Typo3 CMS in Khmer Language

អ្នក​ទាំង​អស់​គ្នាប្រាកដ​ជា​ស្គាល់​ថា​អ្វី​ទៅ​ជា CMS, បើ​មិន​ទាន់​ដឹង​ចាំ​ខ្ញុំ​ប្រាប់។ CMS ជា​ពាក្យ​កាត់ ចំណែក​ឯពាក្យ​ពេញ​នោះ​គឺ Content Management System ដែល​បក​ជា​ភាសា​ខ្មែរ​ថា៖ “ប្រព័ន្ធ​គ្រប់​គ្រង​មាតិកា​គេហទំព័រ” គឺ​គេ​ប្រើ​វា​ដើម្បី​គ្រប់​មាតិកា អត្ថបទ ប្រកាស នៅ​លើ​អ៊ិនធើនិត ដែល​មាន​ភាព​ងាយ​ស្រួល​គ្រប់​គ្រង។ មុន​ពេល​មិន​ទាន់​មាន​ប្រព័ន្ធ​នេះ ដើម្បី​គ្រប់​គ្រង​មាតិកា​អ្វី​មួយ យើង​ត្រូវ​សរសេរ​កូដ​ដោយ​ខ្លួន​ឯង អិចឹង​វា​មាន​ភាព​ពិបាក​ណាស់, ដូច្នេះ​ហើយទើប​មនុស្ស​យើង​បង្កើត​ប្រព័ន្ធ​នេះ​ឡើង ដើម្បី​បង្ក​ភាព​ងាយ​ស្រួល​ដល់​មហាជន​ដែល​ចង់​គ្រប់​គ្រង​មាតិកា​ពត៌មាន​ពួក​គេ​នៅ​លើ អ៊ីនធើនិត។ សព្វ​ថ្ងៃ​វា​មាន​ច្រើន​រយ​ប្រព័ន្ធ​ណាស់ តែ​ប្រព័ន្ធ​គ្រប់​គ្រង​ដែល​មាន​ប្រជា​ប្រិយ​ភាព​នៅ​លើ​ពិភព​លោក​នោះ មាន​ដូច​ជា៖ Drupal, WordPress, Joomla, Typo3 (ប្រើ​ភាសា PHP), Plone និង django-cms (ប្រើ​ភាសា ផាយថុន) និង​ជា​ច្រើន​ទៀត………….. ក្នុង​ប្រព័ន្ធ ទាំង​ប៉ុន្មាន​ខាង​លើ​នេះ គឺ​ត្រូវ​បាន​បក​ប្រែ​បាន​ខ្លះ​ហើយ ដូច​ជា៖ Joomla ត្រូវ​បាន​បក​ប្រែ​ដោយ​ក្រុម JUGCAM, Typo3 ត្រូវ​បាន​បក​ដោយ​ក្រុម​ហ៊ុន Web-Essentials, Drupal ត្រូវ​បាន​បក​ដោយ ក្រុមខ្មែរ​អូអេស, ចំណែក​ឯ WordPress មិន​ទាន់​មាន​អ្នក​ណា​បាន​បក​ទេ តែ​នឹង​មាន​នៅ​ពេល​ខាង​មុខ​នេះ (សូម​បញ្ជាក់ wordpress មាន​ពីរ​បណ្ដាញ៖ wordpress.org និង wordpress.com), ចំណែក​ឯ django-cms ខ្ញុំ​បាន​សាក​ល្បង​បក​ប្រែ​ហើយ តែ​មិនទាន់​បាន​សាក​ប្រើ​វា​ទេ។

នៅ​ពេល​នេះ​ខ្ញុំ​សូម​លើក​យកប្រព័ន្ធ Typo3 មក​បង្ហាញ​ដែល​ជា​ប្រព័ន្ធមួយ​មាន​សុវត្ថិភាព​ខ្ពស់ និង មាន​ប្រជា​ប្រិយ​ភាព​ពាស​ពេញពិភព​លោក។ ដែល​វា​មាន​មុខ​ងារ​ល្អៗ និង​លក្ខណៈ​ពិសេស​ជា​ច្រើន​ទៀត ដែល​ខ្ញុំ​មិនអាច​រៀប​រាប់​អស់។ ហើយ​សំខាន់​ថែម​ទៀត​នោះ បើ​សិនជា​យើង​ជា​អ្នក អភិវឌ្ឍ​គេហទំព័រ​ធម្មតាៗ​ចង់​បង្កើត​ពុម្ព​រូប​រាង (template) អោយ​វា​នោះ គឺ​មិន​មាន​ភាព​លំបាក​ទេ គឺ​យើង​គ្រាន់​តែ​សរសេរ​ជា HTML បាន​ហើយ មិនបាច់​មាន PHP អ្វី​នោះ​ទេ។ បន្ទាប់​មក​យើង​បញ្ចូល​វា​ទៅ​ក្នុង Typo3 របស់​យើង ​ហើយ​ធ្វើ​ការ​កំណត់​ផ្នែកនិមួយៗ​នៅ​ក្នុង HTML របស់​យើង​ដើម្បី​ឲ្យ​ Typo3 ដឹង​ថា​តើ​កន្លែង​ណា​ជា​ក្បាល កន្លែង​ណា​ជាតួ កន្លែង​ណា​ជា​បាត,,,។ ហើយ​អ្វី​ដែលយើង​សប្បាយ​ចិត្ត និង រីករាយ​នោះ គឺ​ឥឡូវ​នេះ​ប្រព័ន្ធ​នេះ​ក៏​មាន​ជា​ភាសា​ខ្មែរ​ងផងដែរ។ គឺ​ថា​ចាប់​ពី​កំណែ 4.5 ឡើង​ទៅ​នឹង​មាន​បញ្ចូល​ភាសា​ខ្មែរ​ចូល​ទៅ​ក្នុង​នោះ​ស្រាប់​ហើយ។ បើ​សិន​ជា​អ្នក​ប្រើ​កំណែ​ទី ៤.៤ អ្នក​ត្រូវ​ធ្វើការកំណត់​ច្រើន​កន្លែង​បន្ដិច។ នេះ​ជា​អាសយ​ដ្ឋាន​ដើម្បី​ទាញ​យក​កញ្ចប់​ឯកសារ Typo3 សម្រាប់​កំណែ ៤.៤៖ http://www.web-essentials.asia/who-we-are/blog/detail/article/typo3-is-ready-for-khmer-language/

About វិចូច

ធ្វើ​ខុស​ចេះ​កែ​ខ្លួន​គឺ​ជា​អំពើ​ល្អមួយ! ខំរក​ទើប​មាន ខំរៀន​ទើប​ចេះ!
This entry was posted in ប្រព័ន្ធ​គ្រប់​គ្រង​មាតិកា, Typo3 and tagged . Bookmark the permalink.

ឆ្លើយ​តប

Fill in your details below or click an icon to log in:

ឡូហ្កូ WordPress.com

អ្នក​កំពុង​បញ្ចេញ​មតិ​ដោយ​ប្រើ​គណនី WordPress.com របស់​អ្នក​។ Log Out / ផ្លាស់ប្តូរ )

រូប Twitter

អ្នក​កំពុង​បញ្ចេញ​មតិ​ដោយ​ប្រើ​គណនី Twitter របស់​អ្នក​។ Log Out / ផ្លាស់ប្តូរ )

រូបថត Facebook

អ្នក​កំពុង​បញ្ចេញ​មតិ​ដោយ​ប្រើ​គណនី Facebook របស់​អ្នក​។ Log Out / ផ្លាស់ប្តូរ )

Google+ photo

អ្នក​កំពុង​បញ្ចេញ​មតិ​ដោយ​ប្រើ​គណនី Google+ របស់​អ្នក​។ Log Out / ផ្លាស់ប្តូរ )

កំពុង​ភ្ជាប់​ទៅ​កាន់ %s